Читать книгу Lot se vrou - Joan Hambidge - Страница 12

Vir Breyten Breytenbach

Hoe gepas, meneer Cleanth Brooks

die gedig as ’n goed gevormde, netjiese kruik.

’n houer vir die as van uitgebrande liefde,

verlore drome en veral ónwillige lesers.

Met ’n glasie Usquebaugh in die hand

dink ek na oor die gedig se lewensloop:

uit stof ontstaan en vol stof sal jy ondergaan!

Hef aan lê voor, want die gedig

mag kruikvormig, dus urkeolaties

met ’n eerste oogopslag lyk;

of soos die uvea van kleur verander,

dog word met elke lesing ge-usukap,

bepaald gepraatjie-vir-die-vaak …

Boonop word vertelle ’n vers se uvula

word deur stiksienige kritici uitgekap.

Hoe gepas, meneer Cleanth Brooks

die gedig as ’n goed gevormde, nuttelose kruik.