Читать книгу ТАНЛАНГАН АСАРЛАР - - Страница 45

Сўлим баҳор, сўлим баҳор,

Нурда кулган йўлим баҳор.

Шул баҳорга, гул баҳорга

Ярашиғлик диёрим бор.

Ел парвона гул қошида

Ел куйида шўх нашида.

Гўзаллик бор, нафислик бор

Гулларнинг ол қарашида.

Гул боғларда ёр висоли,

Ёр висоли гул мисоли.

Чаманларда кўрк ошади,

Боғларга ёр ярашади.

Сўлим баҳор, сўлим баҳор,

Нурда кулган йўлим баҳор.