Читать книгу ТАНЛАНГАН АСАРЛАР - - Страница 52

Ипагимдай узундир, ёр, хаёлим,

Толеимдай соф, беғубор хаёлим.

Йўлларингга нигорондир кўзларим,

Севгим мисол авжи баҳор хаёлим.

Ипагим зар, мисли дилбар мулойим,

Ипагимдан висолга йўл улойин.

Қўшиқ айтиб чаманимга келсанг, ёр,

Муҳаббатинг чинлигини билойин.

Ипак пайванд юрагимнинг торига,

Бахтим монанд ипагимнинг зарига.

Сенга бўлган соғинчимни, шунқорим,

Ипак билан ёздим дил дафтарига.