Читать книгу ТАНЛАНГАН АСАРЛАР - - Страница 57

Бу гулистон тўлди кўркка, гул, зиёдан бу чирой,

Тупроғи зар – кўзимизга тўтиёдан бу чирой.

Пойидан гул кулди боғда кулганида дилрабо,

Пойи сунбул, завқи булбул дилрабодан бу чирой.

Қўлда сози, гул ҳаётни мадҳ этарда хуш нафас,

Гул ҳавода ўйнаб учган шўх ҳаводан бу чирой.

Боғимизнинг гул жамоли бахтимиздай сержило,

Шод кўнгил бағридаги соф муддаодан бу чирой.