Читать книгу América en ocho lenguas - Dora Aguavil Aguavil, Liliana Ancalao - Страница 8

O sájáji yo xomú,

k’ó angezeji, ne mexomú.

O enjeji mba o chjúnuji yo jña’a

k>ú mi májá kja yo pa’a xörú.

Nudya, dya b’úb’ú yo ts’ib’ezhe

k>ú so’o ra áráji yo chi’i.

Ra mago kja nzhumú yo nana

ra ma’a orúji,

k’óko ngeje ne xutr’i k’ú me mi ne’e,

ñe, ri pärgo k’ú ra mama:

k’ú, texeji ri ne’e.

Ra ma’a jiudú ne b’ezo

k>ú ne jiarú, dya ne’e ra pa’a,

ra ma’a jiodú naño,

k’ú dya so’o ra so’o ne dyeb’e,

so ra jiodú naño,

k’ú ri é’é ne nrajma,

ñe, ra jiodú naño,

k’ú ne jomú,

dya jiezi ra nzhodúnu.

Ñe, otrjo dya ra chot’úji.