Читать книгу Die hart van 'n wenner - Pieter van Jaarsveld - Страница 5

God het ons na sy beeld geskape (sien Genesis 1:26-27). Dit beteken dat ons sy verteenwoordigers en sy ambassadeurs is in die rol wat ons in die samelewing speel. As sy ambassadeur is jy die beelddraer van Christus – die beeld van iemand wat in beheer van sy lewe is, wat sy lewe ten volle uitleef tot eer van God, en wat in staat is om na ander om te sien en hulle te ondersteun (sien 2 Korintiërs 5:17-20).

Ons moet die vrugte van die Gees dra: liefde, vreugde, vrede, verdraagsaamheid, goedheid, vriendelikheid, getrouheid, sagmoedigheid en selfbeheersing (sien Galasiërs 5:22-23a). God vereis van ons om ons liggaam en ons gees te beheer.

Ons uiteindelike doel op aarde is dus om ’n ambassadeur vir Christus te wees.