Читать книгу Yaza bilmədiyim şeir. Seirlər - Roma Xosrov - Страница 3

Qara gözlərini qoy vərəqləyim,

Bilim ki, qəlbinə əl toxunmayıb.

Qopub səhifəsi neçə kitabın,

Sənin baxışların heç oxunmayıb.

Gör, alın yazımda neçə səhv gedib,

İlahi, vaxt tapıb kaş yoxlayaydın.

O qızın adını ora yazmağa,

Barı beş hərflik yer saxlayaydın.

Məni bir körpətək yenidən yarat,

Bu köhnə ömrümün ilini dəyiş.

Dünyada belə bir əlifba yoxdur,

Gəl alın yazımın dilini dəyiş.