Читать книгу Zehn Bücher über Architektur - Vitruv - Страница 23

|10|1. Architectura autem constat ex ordinatione, quae graece dicitur, et ex dispositione, hanc autem Graeci vocitant, et eurythmia et symmetria et decore et distributione, quae graece dicitur40.

|15|2. Ordinatio41 est modica membrorum operis commoditas42 separatim universeque proportionis43 ad symmetriam comparatio. Haec componitur ex quantitate, quae graece dicitur. Quantitas autem est modulorum ex ipsius operis sumptio e singulisque membrorum partibus universi operis conveniens effectus.

|20|Dispositio autem est rerum apta conlocatio elegansque compositionibus effectus operis cum qualitate44. Species dispositionis, quae graece dicuntur, sunt hae : ichnographia, orthographia, scaenographia. Ichnographia est circini regulaeque modice continens usus, e qua capiuntur forma|25|rum in solis arearum descriptiones. Orthographia autem est |12| erecta frontis imago modiceque picta rationibus operis futuri figura. Item scaenographia est frontis et laterum abscedentium adumbratio ad circinique centrum omnium linearum responsus. Hae nascuntur ex cogitatione et inventione. |5| Cogitatio est cura studii plena et industriae vigilantiaeque effectus propositi cum voluptate. Inventio autem est quaestionum obscurarum explicatio ratioque novae rei vigore mobili reperta. Hae sunt terminationes dispositionum.