Читать книгу Асылташ = Драгоценный камень - Юнысова Асия, Асия Юнысова - Страница 14

Карлы түбәләргә менгәнем бар.

Таудан матур, диләр, тау гына.

Болытларны аяк аска ташлап,

Басып торганым бар тын гына.

Биек таудан иркен киңлек дисәм,

Таулар артында да тау гына.

Упкын якасында торганым бар,

Мәтәлүдән куркып куйнына.

Өемташ ул бүтән, һәйкәл кебек.

Урал тауларыннан бер сәлам.

Биектән дә биек күтәреләм,

Ак ташына әгәр меналсам.

Өемташ ул бүтән. Курыкмыймын,

Басып та мин тауның очына.

Егылсам да монда, харап булмам,

Тәгәрәрмен авылым учына.