Читать книгу Ko lat ons sing - Adam Small - Страница 24

Y-town

bie-town

bie-town

sie-town

sie-town

die-town

hie’ kom ons

hie’ kom ons

hie’ kom ons aan

die Hiemelpad is nou

ma’ dis vir djou, nie vir my

ons pad se naam is Broadway

swaar kry

swaar kry

die wind van voor kry

en boenop hotagter kry?

vagiet dit

vagiet dit

vagiet daarvan

die Hiemelpad is nou

ma’ dis vir djou, nie vir my

ons pad se naam is Broadway

ons bly tien die hange

tien dieselfde hange

tien die Tafelberg se hange

nee die Hére se hange

dja die Hére se hange

net djúlle moet djulle lyf

en ons moet ons verlange

dja net djulle moet djulle lyf

en ons moet ons verlange

so djulle pad is nou waar djulle Hys toe ry

ons pad se naam is Broadway