Читать книгу Яңа гасыр тавышы / Голос нового века (на татарском языке) - Антология, Питер Хёг - Страница 41

Миңа, беләм,

Берни, берни булмас.

Бергә чакка мәңге кайтмам да!

Йөрәк тамырында шыткан хисем

Бозлы төер булып катканда —

Ыңгырашмам хәтта,

Көрсенмәм дә,

Ни кичерәм хәзер – белмәссең…

Син язымнан чыгып киткән чакта,

Эчтән элеп ишек келәсен.

Җаннан үткән җылы оран гына

Килеп җитәр салкын җилләрдә:

Син китмисең, диеп, юк, китмисең,

Син китмисең, диеп, юк, иреккә

Үзем сине шулай җибәрәм!

Миңа – бел син! —

Берни, берни булмас!

Иренемне тешләп түзәрмен…

Итекләрең баскан язым гына

Танымаслык булып үзгәрер.