Читать книгу Katalekte - Breyten Breytenbach - Страница 23

somewhere halfway from here

there are half-empty boxes”

nou is elke nag ’n reis

deur onbekende landskappe

van lig en van skaduwee

oor barre vlaktes

of skielik in klowe

met druipende eksotiese bome

daar is soms ’n dooie dorp

’n modderblink hond

met gesperde kake blind vasgekolk

in die kopligte

maar nooit ’n lewende siel

en elke nag is die bestuurder langs my

’n dooie vriend lankal vergeet

’n dooie broer van wie ek niks weet

nou is elke nag ’n bitter argument

want waarheen is ons op pad?

ek wil die stories nie hoor nie

nou klim ek elke oggend uit in die dag

met ’n keel seer van stof en van skrywe