Читать книгу Калі цябе спаткае казка… - Ганна Навасельцава - Страница 1
Оглавление***
Хіба з чараў пачнецца надзея?
Спіць зямля ў калысцы нябёс.
Па-над светам сляды чарадзея.
Яго мроі. І памяць. І лёс.
Шэптам зёлак прачнуцца замовы,
Голас з даўняй легенды – вятры.
Гэта словы? Губляюцца словы,
Пожні, рэкі, азёры, бары…
Дзівам казка табе азавецца,
Як прымусіць чакаць-спагадаць,
І згадае, дзе сонца смяецца,
Пра што месік хацеў расказаць.
І чаму зажурыліся зоркі,
Што здавён удаваюць людзей.
Што гарчэй за палын самы горкі
І за радасць саму весялей…
Хіба з чараў пачнецца надзея?
Спіць зямля ў калысцы нябёс.
Свет ідзе па слядах чарадзея.
Здабывае прымройлівы лёс.