Читать книгу Atropos - Hendrik J. Botha - Страница 12

Voor jou dood plant ons rose,

saam uitgesoek by die kwekery.

Verlede week bloei hulle

vir die eerste keer.

Ferm knop hier en daar

die wit, die rooi, die pienk;

die keuse uit jou hand

staan aan die bopunt

geil en skettergeel in blom.

Vanoggend skreef sonlig

deur die gordyn:

op die bedkassie drie geel roosblare,

twee lê op die grond.