Читать книгу In die skadu van soveel bome - Hennie Nortjé - Страница 16

Doringbome

Doringbome

Ware akasias dra

troppe vlymskerp dorings:

party reguit uitdagend

soos ’n gemsbok se horings,

ander hakerig na agter,

gereed en gekrom

soos ’n buffel se gaffels

vir die ondier se sprong.

Ná nag vir nag

vars karkasse

hoog óp

in sulke takke sleep,

blyk die dikvellige kat

steeds ongedeerd.