Читать книгу In die skadu van soveel bome - Hennie Nortjé - Страница 7

Оглавление

Klipkershout in die blom

(Maytenus oleoides)

Jy was eers bra vreemd op die oog.

Ek moes ’n oomblik boekevat,

weetgierig hier onder jou loof

blaai deur die bybel van Van Wyk,

’n blaar, ’n saad of ’n vrug soek

om met joune te vergelyk.

Maar om die boomsoort te eien

verg soms naderby kersopsteek,

om al soek-soek te bly boontoe kyk

tot skielik, daar in die sterblomme

se skyn, fyn bessies soos was

die naam rotsvas laat staan:

’n boom gewortel in klip.