Читать книгу АСАРЛАР ТЎПЛАМИ (3-жилд) - - Страница 109

Сизларда таомни ҳурмат қилишмас,

Чўнқайиб, тик туриб ё юриб ейди.

Бизда лўлаболишларга ёнбошлаб олиб

Ёки кўрпачада ўтириб ейди.

Сизларда олма ё нок тилимига

Санчқими ва ёки чўп уриб ейди.

Бизларда бир қовун сўйилса – байрам,

Одамлар осмонга тўп уриб ейди.

Сизларда қўйишмас ҳашаротларни,

Чигирткаларни ҳам супуриб ейди.

Пати билан пиширилган бир ғозни бўлиб,

Юз киши олқишлаб, кўпириб ейди.

Оддий гуручни-ку минг кўйга солиб,

Гоҳи буғдойни ҳам совуриб ейди.

Сизларда овқатга гул қўшиб берар,

Бизда булбулларни қовуриб ейди.