Читать книгу Хомурахха хоммут хоһооннор - - Страница 2

Күндэлэс уоттаах түннүктэр

Көһүтэллэр дуо миигин,

Сылаас чэйдээх остуоллар

Ыҥыраллар дуо миигин?

Хараҥа кууспут далайыттан

Халты туттар буолуом дуо,

Эрэл угуйар кыымыттан

Эмэх бэйэм умайыам дуо?

Сору суорар олохпор

Соргу күнүн көрүөм дуо,

Аньыым аалар муҥуттан,

Айыым кутун тутуом дуо?

Муммут дууһам кыаһыта

Муннук чэҥэ ууллуо дуо,

Маннык ыарык кыһалҕа

Мүччү баран түһүө дуо?