Читать книгу Хомурахха хоммут хоһооннор - - Страница 8

Түүҥҥү хара халадаай

Эҥээриттэн тутуһан,

Түүлүм түлүк дойдутугар

Түлэй-балай түһэбин.

Күөх айылҕам былаатын

Көҕөрүмтүйэр күөнүгэр,

Күн уотун анныгар

Көтөн-дайан иһэбин.

Күһүнүм кыһыл атынан,

Көҕүлүттэн тутуһан,

Сырдырҕас тыаһынан

Тэйэн-тэбэн сыыйабын.

Сороҕор суор буолан

Сэргэбэр түһэбин,

Саба үүммүт эрбэһини

Соҥуора-сонньуйа көрөбүн.

Түүл даҕаны араастаах,

Аптаах дойду быһыылаах…