Читать книгу Хомурахха хоммут хоһооннор - - Страница 6

Хомурахха хоммут хоһооннор

Хабдьы буолан көппүттэр,

Сииккэ сүппүт тылларым

Сиккиэр буолан сайбыттар.

Үрэххэ сырсыбыт иэйиилэр

Үрүмэччи кыната буолбуттар,

Хатыҥҥа саспыт санаалар

Хампа күөххэ умсубуттар.

Дууһа муҥур дайыыта

Ырыа ыллаан сапсыммыт,

Кутум көмүөл күрүлгэнэ

Куйаар устун кутуллубут.

Хоһоон уохтаах атынан

Хоту Чолбону табыйбыт,

Хотой кыылга олорсон

Халлаан сиигин тарыйбыт.

Хоһоон көҥүл боотура,

Харса суоххун, хоодуоккун,

Хоһоон ураты ууһа,

Хомуһун уоххун сөҕөбүн.