Читать книгу Platt is wat - Plattdeutsch hat Bedeutung - Rolf Ahlers - Страница 64

De Nacht, da mößt ik drömmen

_{(Idee von Tilman Thiemig)}

Refrain: De Nacht, da mösst ik drömmen,

en sworen Droom von dik.

Wat mag de Droom bedüen?

Ach Leifste, leiwst dü mik?

Dien Kopp, dien Hoor, dien Kiek,

dat seute Weih, taurügg’ well ik,

ik lüer, ik frag’, ik weit,

swewe huch, Bammel un Glück’.

Kult un heit,

Schien un Wohrhaftigkeit.

Refrain: De Nacht, da mösst ik drömmen,

en sworen Droom von dik.

Wat mag de Droom bedüen?

Ach Leifste, leiwst dü mik?

Dien Stahn, dien Gahn, dien Weg,

wenn dü wutt, wärr’ ik tau dik leif,

still bie Storm, seggst nist.

Wetterlüchten, de Sterne seihn.

Blitz un Ies,

et weiht mik sau dahen.

Refrain: De Nacht, da mösst ik drömmen,

en sworen Droom von dik.

Wat mag de Droom bedüen?

Ach Leifste, leiwst dü mik?