Читать книгу Jukstaposisie - T.T. Cloete - Страница 10

die helder dubbelster

roteer gepaar om dieselfde swaartepunt

hulle bly ewig ewe ver

en naby aan mekaar verbind

oral afhanklik die een van die ander geld dit

in die vonkende skepping

dat die sfere wat mekaar noodgedwonge besit

flikkerend om mekaar kring

ek moet dit gelate verdra

ter wille van die pulsering dat die lig

van die ander vuur die megera

brand in my gesig