Читать книгу Jukstaposisie - T.T. Cloete - Страница 6

die jammerlike potvis

wat knieserig sieklik is

maak kosbare welriekende amber

met sy ingewande om die muskus

te verskerp word digby die anus

bitter geil gemaak deur die bewer

uit die rot en bergmuskusdier

uit geil bewerklier

en siek walvisderm

kom ons offers om ons gees

voor die neus van die Heer

te reinig om ons geurig te beskerm

teen booshede om ons te genees

van walglike siektes om die doodsreuk te besweer

kom die lewensprikkel vir die sperma

op die gesofistikeerde geparfumeerde Nefertitifees