Читать книгу Best Books Studiewerkgids: Pad na jou hart Gr 10-11 HT en EAT - Alta Engelbrecht - Страница 10

Die volgende ontwikkelingsfases in die verhaal is nou die gedeeltes waar die spanning oplaai; soos dit in Engels beskryf word, the plot thickens. Dat daar interessante belewenisse voorlê vir Basson en Amory word gou duidelik, want Basson senior wil hê sy seun moet ’n hele paar lewenslesse leer alvorens hy die besigheid mag bestuur. Die konflik met Hein dreig ook al meer.

Fase 1

In hoofstuk 23−30 kom hulle op sy oom se plaas (Basie se plasie) aan. Ondanks die haelgeweer waarmee tannie Magriet hulle eers begroet, val sy hom om die hals wanneer sy besef wie hy is. Met hartlikheid word hulle ontvang en kort voor lank word Basson opgekommandeer om op die plaas te help. Hy word gewys hoe om skape te skeer, dra hooibale rond en hou kettieskietkompetisies saam met sy nefie. Tannie Magriet vertel vir Amory van die vliegongeluk waarin Basson sy ma verloor het. Daar is ’n gevoel van gemeensaamheid wanneer die hele familie op die stoep sit en vir Basson voel dit asof hy werklik tuis gekom het. Hy gesels besigheid met oom Basie, wat sy pa se siening oor masjinerie en mense-arbeid deel. Oom Basie gee vir Amory ’n brief wat hy van plan was om self vir Basson te gee. Basson verwyt weer sy pa vir die feit dat hy hom so afgeskeep het ná sy ma se dood, maar Amory antwoord dat almal ’n tweede kans verdien. Hy maak ’n snedige aanmerking dat sy “verdwaal” is, waarna sy hom antwoord dat sy ten minste nie agter geld en mure wegkruip nie. In die brief van sy pa herinner hy Basson daaraan dat ware rykdom by vriende en familie lê en daag hom uit om iets goeds vir iemand anders te doen sonder om iets terug te verwag. Terwyl Amory op die stoep sit en haar pille drink, vertel Basson haar dat hy nie graag weer sy pa wil teleurstel nie. Onder die tafelgebed vra hy haar met net sy lippe wat beweeg om verskoning.

Leestoets: Hoofstuk 23-30

Vul nou die volgende blokkiesraaisels in nadat jy die verskillende ontwikkelingsfases weer gelees het.

Eerste Addisionele Taal

Leidrade:

Af:

1.Hulle stop by oom Basie se _____________.

2.Basson hou van geld, maar sy pa probeer hom leer dat ware ______________ by familie en vriende lê.

4.Tannie Magriet se bynaam vir Basson ___________.

5.Wat is die nefie wat so oud soos Basson is se naam?

10.Oom Basie sê: Jy is net so sterk soos die ou ____________ en

11.________ jou.

13.Basson sê aan Amory dat hy nie haar fortune-cookie_______________ wil hoor nie.

14.Noem die afskeidsgeskenk van oom Basie aan Basson.

Dwars:

3.Hy hou ’n kettieskietkompetisie teen sy ______________.

6.Basson senior wou hê Basson moet hard op die plaas ____________.

7.Watter soort bokkie sien Basson op die plaas?

8.Magriet vertel vir Amory dat Basson se ma in ’n ___________________ dood is.

9.Waar op die plaas het Basson junior se pa eersgenoemde se ma gevra om te trou? Onder ’n _______.

12.Amory sê aan Basson almal in die lewe verdien ’n tweede ______.

15.Noem die afskeidsgeskenk van Basson aan sy nefie, Piet.

Leestoets: Hoofstuk 23–30

Huistaal

Leidrade:

Af:

2.Magriet kom uit die huis uit hiermee gestorm.

4.Watter soort plantjie dra Amory saam met haar?

5.Op die plaas moet Basson ______________ ronddra.

6.Hy moet ook ____________ skeer.

9.Basson sê ouer mense is óf bang daarvoor óf hulle spot daarmee. Waarna verwys hy?

11.Dit was ’n trougeskenk van Basson se oupa aan Basson se pa en ma.

12.Basson senior sê: Jou volgende opdrag het nie ’n ___________ nie, …

13.… niemand gaan weet of jy dit gedoen het nie, maar ek wil jou ________.

14.… om iets goeds vir iemand te doen sonder dat jy iets terug ____________.

18.Wie bestuur toe hulle van die plaas af wegry?

20.Met wat verewig Amory die kuier op die plaas net voor hulle ry?

Dwars:

1.Sy pa probeer Basson deur verskillende uitdagings ______ leer.

3.Oom Basie noem vir Basson klein _____________ van Rensburg.

7.Tannie Magriet sê Piet is hul eie ____________ se kind.

8.Tannie Magriet sê dat Amory en Basson se ma albei ____________ was.

10.Op bl. 115 is ’n spelfout. Basson sê aan Amory dat hy nie oom Basie se boereraad nodig het nie. Spel boereraad reg.

15.Terwyl wat aan die gang is, sê Basson vir Amory hy is jammer?

16.Basson vertel vir sy twee nefies dat daar _____ rose (meisies) vir elke doring (man) is.

17.In watter stad is daar so baie meisies, volgens Basson?

19.Met watter vriendelike geluid groet hulle toe hulle van die plaas af ry?

Fase 2

Die fokus verskuif in hoofstuk 31−38 weer na Hein waar hy ná ’n onderonsie met die petroljoggie deur die CCTV-kameras kyk totdat hy Basson en Amory vind. Op pad deur die Vrystaat begin Basson en Amory al gemakliker optree in mekaar se geselskap. Hein daag by oom Basie se plaas op, maar tannie Magriet verwilder hom vinnig met haar haelgeweer. Amory raak aan die slaap en toe hulle by ’n padaansluiting kom, draai hy weg van Kaapstad af omdat hy ’n adres sien wat sy onderaan die kaart geskryf het. Hy besluit om nou daardie guns te bewys aan iemand waarvoor sy pa hom gevra het. Amory beskou dit egter nie as ’n guns nie, maar voordat hulle kan wegry, kom ’n vrou uit die huis gestap. Basson verneem dat dit haar ma is en Amory se stiefpa haar aangerand het, maar dat sy hom in die pad gesteek het. Sy kom dan ook agter haar ma het haar laaste brief nooit ontvang nie. Nadat haar ma gaan werk, begin Amory huil en Basson troos haar.

Die volgende brief van sy pa neem hulle na Graaff-Reinet. Sy pa sê in die brief tyd is die kosbaarste besitting wat jy kan weggee en daar in die ouetehuis op die dorpie, waar sy oupa ook gewoon het, gaan maak hulle ’n verskil in die oumensies se lewe. Hulle speel kroket en skaak, en die matrone verander die saal in ’n bioskoop. Dit gebeur alles terwyl Hein steeds onheilspellend nader aan hulle beweeg. Ouma Poppie gee vir Amory ’n mooi rokkie uit haar jeugjare. Basson wys met sy hande hoe hy haar “afneem”, want Basson erken selfs teenoor homself dat hy verlief geraak het op haar, hoewel hy nog daarteen stry omdat sy sy eie reëls waarvolgens hy probeer lewe, omverwerp. Hy het die saal in die ouetehuis baie mooi omskep in ’n romantiese flieksaal en verstom hom aan hoe Amory elke oomblik van die film geniet. Wanneer oupa Jan en ouma Poppie skielik begin dans, huiwer hy nie om Amory se hand te vat toe sy hom vra om met haar te dans nie. Dit eindig baie amper in ’n soen, maar dan is die oomblik verby wanneer oupa Jan begin praat.

Leestoets: Hoofstuk 31−38

Eerste Addisionele Taal

Leidrade:

Af:

1.Hein sien vir Basson en Amory op die ___________ by die petrolstasie.

2.Hein gaan soek hulle by oom Basie se plasie, maar ________ verwilder hom met die haelgeweer.

3.Basson draai weg van Kaapstad toe hy ’n _______ sien wat Amory onderaan haar kaart geskryf het.

4.Hy wou haar net ’n ______ doen deur na die adres te ry.

7.Wat wil Amory hê moet Basson dadelik doen toe sy wakker word en sien waar hulle is?

8.Hy kom agter haar __________ het haar en haar ma aangerand.

9.Amory kom agter haar laaste ______ aan haar ma het nooit daar uitgekom nie.

13.Watter woord sê Basson vir oupa Jan om te wys hy het die skaakspel tussen hulle gewen?

15.Sy lyk vir Basson so mooi dat hy haar met sy ________ afneem.

16.Basson se pa het vir hom gesê ____________ is die kosbaarste ding wat hy kan weggee.

20.Wat verf Amory in die kar terwyl hulle ry?

Dwars:

5.Hy vat haar egter onwetend na haar ______ toe.

6.Amory se ma woon in ’n __________________ in Murraysburg.

10.Basson en Amory gaan daarna na die tehuis vir bejaardes op die dorpie ______________.

11.Die tehuis is reg oorkant die _______, ’n bekende baken op die dorpie.

12.Hulle kuier lekker by oupa Jan en ouma ______________.

14.Ouma Poppie gee vir Amory ’n mooi “vintage-” ___________ om aan te trek.

17.Daarom reël Basson met die matrone om vir hulle ’n _____________ te wys wat hulle terugneem in tyd.

18.Basson verbreek sy eie reël deur met Amory te ____________.

19.Intussen is Hein steeds op soek na hulle, maar nou het hy ____________.

Leestoets 2: Hoofstuk 31−38

Huistaal

Leidrade:

Af:

2.Na watter liedjie van Foto Na Dans luister Basson en Amory in die kar?

3.Noem die dorpie waar Amory se ma woon.

4.Waar werk Amory se ma?

5.Vir die afgelope 117 maande het ma en dogter se enigste kommunikasie bestaan uit _____.

8.Hulle speel teen oupa Jan en ouma _______.

9.Basson sien in sy oupa se ou kamer ___________________ wat gewys het hoe Basson gegroei het.

13.Basson wys vir die oumense ’n ou romantiese fliek met ’n ou ________.

16.Die opgewondenheid onder die oumense word vergelyk met meisies wat wag dat die gordyne oopgaan by ’n _______________-konsert.

19.“Dames en here, welkom terug by Radio Rumatiek!” Wie doen hierdie aankondiging?

Dwars:

1.Hy dreig die _________________ om Basson en Amory se foto te identifiseer.

6.Basson se pa probeer hom leer wat die kosbaarste ding is wat hy kan weggee. Wat is dit?

7.Basson en sy oupa se _______ titel staan nog steeds in Fraaiuitzicht, die tehuis vir bejaardes.

10.Waardeur kyk ouma Poppie en Amory?

11.Basson kry by oupa Jan ’n old school _______.

12.Amory kry by ouma Poppie ’n vintage-__________.

14.Watter reël verbreek Basson? Hy het homself belowe dat hy nie _______ nie.

15.Amory kyk intens na die fliek. Basson voel _______ wanneer hy na haar sit en kyk.

17.Amory neem ’n foto van Basson terwyl hy ___________ speel.

18.Basson neem ’n kamstige foto van haar; hy maak ’n _________ met sy vingers.

20.Waarom het Hein nog nie by hulle uitgekom nie? Gee net een woord.

Fase 3

In hoofstuk 39-45 begin Basson selfondersoek doen. Hy wil steeds nie erken sy pa het die regte ding gedoen nie, maar sien homself vir die eerste keer eerlik. Hy besef hy het sy selfversekerdheid as ’n masker gebruik en skaam hom vir hoe hy voorheen meisies behandel het. Hy begin insien hy het reëls vir homself neergelê om homself te beskerm teen daardie alleenwees wat hy ná sy ma se dood ervaar het. Toe hy ’n blommetjie op haar enkel teken met haar kokipen, laat sy dit later tatoeëer en trek Doen iets “permanent” dood op haar lysie. Hulle is uitbundig en gelukkig en Amory hang onder meer by die venster uit en poseer vir ’n foto voor ’n padteken. Later speel hulle snap op die dak van die Anglia.

By ’n piekniekterrein naby Knysna vaar Amory die winkels in, waarna sy Basson blinddoek en begelei na die piekniekplek wat sy omskep het in ’n klein Meksiko, kompleet met piñata, sombrero en ’n kaktus. Sy skink Tequila shooters en vervul daarmee Basson se droom om in Meksiko tequila te drink. ’n Heerlike, wonderlike soen volg … totdat ’n blou Volla verbyry en vir hulle toet. Nie lank daarna nie, staan dieselfde Volla met drie musikante langs die pad en Basson en Amory laai hulle met hul musiekinstrumente op om betyds by die kroegie waar hulle moet speel, uit te bring. Hulle ontmoet vir Lennon en Dawn, ’n sorglose hippie paartjie, met sterre in hul oë. Terwyl Amory by die toonbank staan, staan Hein skielik langs haar. Vir Basson sê sy dat dit haar stiefpa is. Sy probeer verder verduidelik, maar hy sê dat haar verlede nie vir hom belangrik is nie. Hulle slaap die aand op die strand nadat Dawn en Lennon hul kar beset het. Die volgende oggend is die kar en die hippies skoonveld. Verslae begin hulle stap, want dit is die dag waarop Basson in die Kaap moet wees. Hul tasse (en Amory se pille) is egter in die kar en sy begin swaar asemhaal.

Leestoets: Hoofstuk 39−45

Eerste Addisionele Taal

Leidrade:

Af:

3.Op haar lysie trek sy dood: Doen iets_________________.

4.Waar poseer sy vir ’n foto? By ’n ______________.

7.Basson voel skaam omdat hy vroeër in sy lewe ’n hele houertjie vol ____________ van meisies gehad het.

9.Amory lei hom na ’n plek waar mense _________ kan hou.

10.Watter land sien Basson toe Amory die blinddoek van sy oë afhaal?

12.Voorheen het Basson vir Amory gesê op sy eie wenslysie is dat hy graag in Meksiko __________ wil drink.

13.Wat sê hulle toe hulle glasies klink?

16.Basson trek die stok waarmee sy na die piñata slaan nader en toe ____ hy haar.

19.Die man se naam is __________.

Dwars:

1.Wat teken Basson op Amory se enkel?

2.Sy tatoeëer die blommetjie by ’n plekkie naby die dorp _______.

5.Watter kaartspeletjie speel hulle op die dak van die Anglia?

6.Hierdie afdeling van die roman se naam is die ___________ van Afrika.

8.Toe sy ma dood is, het hy homself belowe hy sal nooit weer so _________ voel nie.

11.Die sombrero op sy kop is eintlik maar net ’n ______________.

14.Hulle slaan na die piñata (houer) sodat dit kan ________ en geskenkies kan uitval.

15.Die piñata lyk soos ’n wit _______ met pienk maanhare.

17.Watter soort ligblou kar toet toe hulle verby Basson en Amory wat mekaar soen, ry?

18.By die kroeg waar die groep musikante speel, ontmoet hulle die hippiepaartjie Dawn en Lennon. Die vrou se naam is ________.

20.Amory skrik toe ___________ skielik langs haar staan.

Leestoets: Hoofstuk 39−45

Huistaal

Leidrade:

Af:

1.Basson begin dink oor sy lewe. Hy doen ____________________.

2.Hy kry skielik skaam oor hoe hy ___________ in die verlede behandel het.

5.In die pragtige ____________pas sit hulle op die dak van die Anglia en kaart speel.

7.Wat alles laat die piekniekterrein soos Meksiko lyk? ____________ tjips,

8.____________ shooters.

10.’n Piñata is ’n houer wat soos ’n wit ponie met ____________ maanhare lyk.

11.Hulle slaan na die piñata, want binne-in is ’n skatkis vol ________________.

12.Voordat Basson haar soen, laat hy haar voel hoe sy hart _______.

13.Die musiekmakers sê hulle speel “moderne emo glamrock-jazz”, maar Basson vra of hulle dan ’n ____________ is.

14.Toe die groep begin speel, sê hulle dankie aan Basson en Amory wat hulle langs die pad opgelaai het. Hulle noem hulle ________

20.Agterin die kattebak lui Basson se selfoon. Dit is _______ wat tevergeefs bel .

Dwars:

3.Sy trek op haar lysie dood: Doen iets “permanent”. Wat het sy gekry wat permanent is?

4.Basson besef hoeveel hy al op hierdie reis gekry het en dink al wat hy nog verloor het, is sy ____________ en dit is eintlik maar net geld.

6.Sy neem hom na die piekniekterrein. Wat doen Amory met hom voordat hy uit die kar mag klim?

9.’n nagemaakte ____________.

15.en _____________.

16.By die kroegie raak hulle vriende met die _____________-paartjie Dawn en Lennon.

17.Toe Hein daar aankom, breek ’n bar fight uit, hulle ontsnap en gaan saam met Dawn en Lennon na die ________________.

18.Hulle slaap op die strand en ontdek die volgende oggend dat die ___________ weg is.

19.Dawn en Lennon het egter net gery om __________ en muffins te gaan koop.