Читать книгу Яңа гасыр тавышы / Голос нового века (на татарском языке) - Антология, Питер Хёг - Страница 11

Шигъри Әсәрләр
Ленар Шәех
Постмодерн

Оглавление

Күңел поэзия эзли

Таш диварлар арасыннан.

Асфальтланган юллар буйлап

Шигырь чабып бара сыман.


Күңел җилли… Илһам эзли

Рельслар тимереннән.

Трамвайдан шигырь көтеп,

Меңенче кат тилмерелгән.


Күңел – яңгыр… Ул гамь эзли

Йортның калай түбәсеннән,

Асты өскә китерелгән

Бөек ханнар төрбәсеннән.


Күңел – ак кар… Ул моң эзли

Ипподромнан, стадионнан…

Шигырь түгел, дөнья чаба,

Мәшәкатьләр бара аннан.


Күңел поэзия эзли

Ярылган таш арасыннан.

«Ташгырь» төяп, «тимгырь» килә —

Илһамланмый карасыннар!


Яңа гасыр тавышы / Голос нового века (на татарском языке)

Подняться наверх