Читать книгу Яңа гасыр тавышы / Голос нового века (на татарском языке) - Антология, Питер Хёг - Страница 8

Утлы сөю хисләремне

Көмеш җептәй сапладым.

Ак болытка хатлар яздым,

Акты-китте хатларым.

Кояш нурларына төреп,

Сиңа сәлам җибәрдем.

Ул офыкка батты-китте,

Йөзгә төнге җил бәрде.

Ай яктысын карам итеп,

Сиңа шигырь юлладым.

Аем гына качты-китте,

Таң атарга – бер адым.

…Җил артыннан хатлар яздым,

Очты-китте хатларым…

Иң-иң кайнар хисләремне

Күрешүгә сакладым…