Читать книгу Яңа гасыр тавышы / Голос нового века (на татарском языке) - Антология, Питер Хёг - Страница 20

Кеше, еллар үткән саен,

Акыл туплый, яхшыра.

Күңелемдә начарлык юк,

Уем һәрчак яхшыда.

Көнләшү юк, хөсетлек юк,

Юк хәтта бер тамчы кер.

Минем мондый яшәешем

Кем өчендер барыбер.

Кем өчендер, киресенчә,

Кулайдыр усаллану,

Тормыштан һәм яшәештән

Адым саен зарлану.

Көнчеллектән шартлый-шартлый

Кызышу – кемдер өчен…

Мондый үрләрне яуларга

Җиталмас минем көчем.

…Шундый уйлар яктырттылар

Баш очымны кинәттән.

Мин дә кеше, мин дә татар,

Мин дә сезнең милләттән!