Читать книгу Die eerste siklus - Etienne Leroux - Страница 3
DIE EERSTE LEWE VAN COLET
ОглавлениеOpgedra aan Jan Greshoff
Alle karakters wat in hierdie boek voorkom, is denkbeeldig.
Sy naam is Colet van Velden.
Hy is gebore op 18 Februarie 1921 in die dorp Van Velden, wat deur sy oupa aangelê is.
Die doopplegtigheid is waargeneem deur eerwaarde Olivier, en die dogtertjie wat hom ingedra het, se naam was Mariet Jooste.
Die doopouers voor die kansel was Theuns en Suzanne van Velden.
Die grootoupa het nog gelewe, maar was te swak om die diens by te woon.
Die teks was Psalm 119 vers 9.
Die dooppartytjie, na die diens, het op die grasperk in die tuin van die familiewoning plaasgevind.
Die funksie is bygewoon deur al die familiebetrekkinge.
Dit was ’n stil, wolkelose dag.
