Читать книгу Ingrid Jonker Versamelde Werke - Ingrid Jonker - Страница 56

Bitterbessie dagbreek

bitterbessie son

’n spieël het gebreek

tussen my en hom

Soek ek na die grootpad

om daarlangs te draf

oral draai die paadjies

van sy woorde af

Dennebos herinnering

dennebos vergeet

het ek ook verdwaal

trap ek in my leed

Papegaai-bont eggo

kierang kierang my

totdat ek bedroë

weer die koggel kry

Eggo is geen antwoord

antwoord hy alom

bitterbessie dagbreek

bitterbessie son