Читать книгу Ingrid Jonker Versamelde Werke - Ingrid Jonker - Страница 60

Op die voetpad o bokkie

Jou hand die myne

En ons huisie staan klaar

In my hart se lyne

Deur die dag van die by

tot dit rooikrans o bokkie

Vannag sluit hom toe

In ons pondokkie

Klimaat van jou lyf

o meidjie dousag

Maar jou oë vlieg wyd

oor die nimmermeerdag

En die aand skilfer reeds

sy bont kleure af

Waar die voetpad alleen

oor die blou bulte draf