Читать книгу Ingrid Jonker Versamelde Werke - Ingrid Jonker - Страница 62

Vir Simone

Begin somer en die see

’n oopgebreekte kweper

die lug soos ’n kind

se ballon

ver bo die water

Onder die sambrele

soos gestreepte lekkergoed

miere van mense

en die gul lag van die baai

het goue tande

Kind met die geel emmertjie

en die vergete vlegsel

jou mond is sekerlik ’n klokkie

kleintongetjie klepeltjie

Jy bespeel die son daglank

soos ’n ukulele