Читать книгу Änfach frei laafe geloss - Josef Peil - Страница 22
ОглавлениеEn äbscher Tannebaam
De Baam is ganz gewöhnlich,
Unn gar nitt moh extra schön.
De Baam is mein.
De Baam bleibt stehn.
Hinner usem Haus uff de Wies
Steht en Tannebaam.
Mei Mutter hot en geplanzt,
Eich war noch en kläner Bu.
Eich honn kä Häisje drunner gebaut,
Sin aach nitt drin erum geklettert.
Nor honn eich moh Luftballons draan uffgehonk
Unn mit de Fletsch dann abgeschoß.
De Baam steht ganz allän uff de Wies,
Er gehört eigentlich gar nitt dohien.
Awer eich honn en wachse gesiehn,
Unn mit de Zeit war er größer wie eich.
Nau bau eich mer en Haus
Do hinne uff de Wies.
Nau komm eich in Bredullje,
De Baam steht mer im Weech.
De Baam is ganz gewöhnlich,
noch nitt emoh extra schön.
De Baam is mein.
De Baam bleibt stehn.
