Читать книгу Änfach frei laafe geloss - Josef Peil - Страница 23

Kapitel B:

Wie se schwetze, so sinn se, Hunsrücker Leit.

Us Dorf

In usem Dorf, in usem Dorf

Do ware lauter Bau’re

Mit bisje Vieh, mit bisje Feld

Unn enge hohe Schau’re

Im ganze Dorf, im ganze Dorf

Do horr-et frisch geroch

Noh Mischthaaf, Gaul unn fette Säi

verworscht mit Knuweloch

Am Enn vum Dorf, am Enn vum Dorf

Hot’s neilich bees gestunk

Die honn do so en nählich Brie

Die is wie Schwefeltunk

Am Enn vum Dorf, am Enn vum Dorf

Leit en gewaltig Werik

Das fillt us nou es Portmannee

Unn micht die Nas us starik

Nitt weit vum Dorf, nitt weit vum Dorf

Stehn lauter neie Häiser

Mit Goldbeschläch unn Silwerglas

Am Rase proper Reiser

Die Mitt vum Dorf, die Mitt vum Dorf

Is hout jo ganz modern

Mit Mehrzweckhall unn Gastlichkät

For Leut aus Noh und Fern

Im Eck vum Dorf, im Eck vum Dorf

En Spielplatz hom-mer aach

Die Kinner such mer weile doch

Do sinn kän all die Daach

Das ganze Dorf, das ganze Dorf

Beguckt en Kommission

Unn säht was schön soll sin

Medallich is de Lohn

In usem Dorf, in usem Dorf

Noh paar so hählich Fau’re

Do sinn nou als die Arweter

Beamte unn kä Bau’re