Читать книгу Änfach frei laafe geloss - Josef Peil - Страница 21

Zwei Punkte im Lann

De äne springt mer gleich ins Au. Fahr ich aus dem Nohberdorf häm, is er nitt ze iewersiehn, so hoch unn brät, wie er vun uus aus aussieht. Ich fahre druf zu, unn ich wäß, där ich weirer fahre, es wäre noch 70 Kilometer uff de Stroß, richtaus noh Norde sinn’s nitt so viel, awer do leit die Musel dezwische. Richtaus druf zu fahre, das geht nitt.

Umgekehrt, wenn ich uff em Rückwech aus em Nierelann uff de Autobahn do langst fahre, wäß ich, wie weit ich noch bis häm honn und gucke moh korz noh de Seit noh dem Berg, ob er’s aach werklich is. Weil, vun nächst is er nitt so leicht ze kenne wie von weirem.

Was hinner’m Berg leit, wäß ich aach: de Laacher See, unn ich stelle mer vor, wie vor e paar tausend Johr vun meiner Stell aus jemand mit zugeguckt hätt, wie’s do gerummst hot. Bis bei uus is das Zeich gefloh. So nächst is das, so nächst sieht de Hubbe aus, wenn ich druf zu fahre, als könnt’ ich en gleich greife. Awer er is doch wiere so weit fort, dass er mer ins Au springt. Unn wie oft fällt mer dann in, do mächt ich moh wiere hien. Es gitt viel schöne Platze uff de Welt, wo ich moh gere hien mächt. »… und wie die Welt so weit«, das honn ich immer gere gesung unn aach so gemänt.

An dem zwote Punkt fahr’ ich langst. In äner Kehr leit die Galjehöh sogar riecht vor mer in äner Flucht mit dem Laacher See. Die Galjehöh, wo ehre Name vun känem schöne Instrument hot. Zwo Skelette honn se noch gefunn, wie se mitte der zwanziger Johr de Sportplatz do uhe gebaut honn. Es hatt tatsächlich Tore (Tote) do genn. Tät mer hout noch emoh grawe, tät mer die alte Postelöcher vun de Fußballtore finne, die vun dem Galje wahrscheins nimmee. Vielleicht hot’s die nie genn. Am höchste Punkt vun de Galjehöh steht en Eich. Vielleicht war die de Galjebaam. Wie alt se is, wisse mer nitt, paar hunnert Johr bestimmt. Das is aach kaum noch ze sahn, vum Stamm es merste is vum Blitz verbrannt, nor noch uff äner Seit is en gut Stick Rinn do unn so wenig Stammholz, dass mer mänt, es nächste Lüftche muss de Baam doch umblose. Unn doch stehr-er unn steht unn werd jed Johr grien. Wibke hot im Wald die stärkste Bääm geworef, dem Eichebaam konnt de Storem nix tun.

Eich wäß, dass de Baam do is. Nor guck ich vun de Stroß aus nitt hien, eich müsst de Blick noh de Seit wenne. Unn das tun ich im Auto die wenigst Zeit, muss doch uff die Stroß gucke.

Zwei Punkte im Lann, de än weirer fort unn vun weirem gut ze siehn, de anner ganz nächst unn nächst aus em Au. De än steht dofor, was ich mächt, iwer die eihene Grenze naus unn dehinner gucke, de anner dofor, dass ich Worzele geschlahn honn unn en Platz, wo ich vun iewerall uff der Welt wiere zurück will.

Je nohdem wie ich unnerwechs sin, leihe se mer in äner Flucht.