Читать книгу Änfach frei laafe geloss - Josef Peil - Страница 10

Kä Thema

Egal ob ich ebbes verziehle ore schreiwe, immer geht’s um en Thema. Manichmoh krieh ich en Thema gestallt, wo ich driewer schreiwe ore schwetze soll.

Unn dann passeert ebbes ganz Schlimmes. Eich merke, dass ich kä Ahnung dovun honn, unn dann muss ich erst moh höre unn lese, was es mit dem Thema uff sich hot. Ob das, was dobei raus kimmt, dann aach so ganz schlau is, das is dann schun wiere en anner Thema.

Wenn ich selwer es Thema finne, is das kä Thema.

So säht aach meine Namensvetter immer, wenn er ebbes mache soll: »Allemoh, werd gemach, kä Thema!« Manichmoh kriehr er’s dann aach tatsächlich gemach. Wenn awer nitt, no ja …

Dann geht’s so ähnlich wie beim Uffsatz in de Schol: »Thema verfehlt«. Das hot en schlecht Not genn, unn wenn das Schreiwes for seich genomm noch so gut war.

Nou honn eich manichmoh Lust uff Schreiwe. Unn dann passeert als emoh ebbes Schlimmes: eich honn kä Thema. Unn dobei wär das, was mer nitt infillt, genuch for en ganz Buch.

Eich glaab, eich höre for hout besser uff: Kä Thema, mei liewer Alter, das is en Thema!