Читать книгу Änfach frei laafe geloss - Josef Peil - Страница 11

Warum eigentlich schreiwe eich uff Platt?

Die Antwoort is ganz änfach:

Eich denke uff Platt.

Iewersetze eich die Gedanke

Woort for Woort,

im Hochdeitsche were se platt.

Wie tief, wie hoch die Gedanke gehn,

es Platt zeiht’s Profil.

Gewöhnlich

is bei uus dehäm

platt geschwetzt wor.

Mer ware

ganz gewöhnliche Leit.

Wenn Leit komm sin,

dann durft eich

vor dene kä Platt schwetze,

weil, das war nor gewöhnlich.

Bei mer dehäm schwetze eich

gewöhnlich immer noch platt,

aber weile soll eich aach

for Leit platt schwetze.

Weile is das außer-

gewöhnlich.

So ännere sich die Zeite:

Frieher war do nix debei

hout klatscht ma dofor ei jei jei.