Читать книгу ТАНЛАНГАН АСАРЛАР - - Страница 15

Юксак-юксакларда булутлар дайдир,

Машъум ўкиради момагулдирак.

Омонсиз жанг борар кўкда қандайдир,

Табиат сеҳрига берилар юрак.

Эркалаб япроқлар, гуллар бетини,

Ёмғир чечаклардан бўсалар олар.

Зум ўтмай даҳшатли гулдурос тиниб,

Тиниқ бир сукутга чўмар самолар.

Маъбудадай чиқар кўк минбарига,

Зумрад далаларни кўрмоқ чамалаб,

Гулдуракни енгиб, борлиқ бағрига

Ҳаёт шарбатини сепган камалак.

Бу кўхлик юзгинаси,

Шукуҳли юзгинаси —

Муқаддас шеъриятнинг ўзгинаси…