Читать книгу ТАНЛАНГАН АСАРЛАР - - Страница 6

Парлари жилвагар, нафис ва оппоқ

Инсоннинг энг эзгу тилаги мисол.

Шу кўҳлик вужуди, борлиғига боқ:

Кумушдан қуйилган муқаддас тимсол.

Мовий тиниқликда чўмилиб учар,

Учар беозорлик, тозалик ташиб,

Офтоб зарларига кўмилиб учар,

Издан қайтаролур на ел, на яшин —

Гўё эрксеварлар, ошиқ кўнгиллар

Унга ўлмаслик ва оқ йўл тилаган,

Пикассонинг ўзи парвозга йўллаб,

Мармар қанотини силаган.