Читать книгу ТАНЛАНГАН АСАРЛАР - - Страница 19

Бу тонг мурғак бинафша боғда

Илк бор кўрди ҳаёт юзини.

Шундай улкан, сўлим қучоғда

Танҳо, етим сезди ўзини.

Ўт-ўланлар ичра йўқолиб,

Шамолларга айтди зорини,

Ёлғизликнинг ҳиссидан толиб,

Ғамга берди ихтиёрини.

Шу зангори тиниқ кўзларнинг

Мафтун бўлиб ҳуснига буткул,

Далаларда гулрўй қизларнинг

Юрганини билмас эди ул:

Билмас эди шоир шеърини

Бинафшага бахш этганини;

Билмас эди она-Ер уни

Ўз кўксига нақш этганини…

Бу тонг гўзал бинафша боғда

Илк бор кўрди ҳаёт юзини…