Читать книгу Умрим есталиклари - - Страница 13

Томоша қил, яшаргай дил

Дилафрўз рақсга тушганда,

Юзи гул, сочлари сунбул

Дилафрўз рақсга тушганда.

Келишган қомати шамшод,

тиши дур, лаблари ёқут,

Кўзи чўлпон, шириндир тил,

Дилафрўз рақсга тушганда.

Қаро тун чойшабин йиртиб,

кўкда барқ урди юлдузлар,

Кулиб-қутлаб узатгай гул,

Дилафрўз рақсга тушганда.

Ҳусн тахтига султонлик

ярашган хўб муборак деб,

Кўриб унга бўлибман қул,

Дилафрўз рақсга тушганда.

Кўриб санъатни бундоғ,

кечиб жондин деди Ўктам,

Молу дунё менга бир пул,

Дилафрўз рақсга тушганда.