Читать книгу Умрим есталиклари - - Страница 2

Менинг ишқим ҳамон бўлгай, севар ёрим омон бўлса,

Севар ёру диёримда ҳамон шундай замон бўлса.

Ажаб барно, ажаб доно, ажойиб нозу истиғно,

Ҳусн мулкида ул Лайло каби соҳибжаҳон бўлса.

Қаро кўзу қаро холу қаро сочини айтайму,

Кўнгилни шод этарга ул қаро қоши камон бўлса.

Келишган қомати шамшод, нигоро, интизор этма,

Не тоқат айлайин мен бир томон, у бир томон бўлса.

Уни севмоқ билан шодман, бу йўлдан кечмагум асло,

Агар севги гуноҳ бўлса, агар севги ёмон бўлса.

Ўшал хушхулқли ёр бирла қилурга шарҳи ҳол Ўктам,

Наманган боғидай кўркам, латофатли чаман бўлса.