Читать книгу АСАРЛАР (II жилд) - - Страница 72

Намозшом бўлдию кўнглим бузилди,

Яна бир кун умрдан ютқизилди.

Яна беҳосил ўлди ул муродим,

Яна мунг қушлари бир-бир тизилди.

Яна ошмас, хавотир сузди онам,

У бечорам менинг бунча эзилди.

Паришон йилларимни аста чулғаб,

Ўкинчимдан ҳазин сурат чизилди.

На ғамдир бул менинг кўксимдаги ғам,

Ки у беҳадду бепоён чўзилди.

Менинг дил жадвалим кўйингда, эй ишқ,

Балою ранжу миннатдан тузилди.

Ғаройиб косадир даҳр ичра тақдир,

Менга шул косада кўз ёш сузилди.