Читать книгу АСАРЛАР (II жилд) - - Страница 65

Йўлимиздан тоғлар кетди, боғлар кетди,

Бу боғлардан доғлардайин зоғлар кетди,

Кўнглимиздан зоғлардайин доғлар кетди,

Ўртамизда ярқираган сой қолди.

Чекиндилар дунёнинг армонлари,

Йиқилдилар айрилиқ қўрғонлари,

Яқин бўлди ишқимиз осмонлари,

Ўртамизда бир юлдуз, бир ой қолди.

Қисмат менга қанча алам-ўй берди,

Дунё янглиғ туганмас бир куй берди.

Иккимизга торгина бир уй берди,

Ўртамизда бир бешикка жой қолди.