Читать книгу АСАРЛАР (II жилд) - - Страница 44

Қайсидир зулфни макон этмоқчи дил,

Мени зору нотавон этмоқчи дил.

Бир умр қўлдин чиқиб кетмоқчи дил,

Сиз бу дилни ушбу йўлдан айнатинг.

Руҳ айёмидадир ёшлиғларим,

Ҳеч ярашмайдир бу бебошлиғларим,

Бошим узра, эй қаламқошлиғларим,

Сиз қошингиздан қиличлар ўйнатинг.

Не қаро кунлар келибдир моҳима.

Қўюбон қумғонлар ўтлуғ оҳима,

Ғамларимдин сўйлашиб, атрофима

Ўлтуруб, кўксумда чойлар қайнатинг.