Читать книгу Die Reuk van koffie - Koos Kombuis - Страница 15

Sjoe! Ek besef elke dag net meer hoe min verstaan ek van ekonomie!

Maar newwermaaind. As daar een ou is wat nog stupitter was met finansiële kwessies as ek, was dit dierbare oom Piet Koornhof (nou wyle oom Piet).

Ja, ek het die eer gehad om oom Piet een aand te ontmoet en ook verskeie glasies rooiwyn saam met hom te geniet. Dit was by ’n promosieaand van ’n doodgebore maatskappy wat 3D movies in die Waterfront wou begin. Hierdie klomp shysters het blykbaar die mistaken idee gehad dat SA celebrities almal ryk is, toe nooi hulle ’n klomp celebs na ’n geheime fondsinsamelingsaand in ’n warehouse onder in die Kaap, naby die prossies se wandelarea!

Daar was tafels vol vingergeregte en landgoedwyn. Maar ongelukkig vir hulle was ek en Piet die ENIGSTE celebrities wat opgedaag het! Daar was niemand anders nie – net ons twee en hierdie massas kos en drank!

Aan die begin was Marcelle suiwer Engels, hoor, maar mind you, hoe verder ons in die aand in gevorder het, hoe meer het sy oorgeslaan na Afrikaans, totdat sy laat die nag ten volle die Moedertaal magtig was. En na verskeie glasies landgoedwyn besluit oom Piet toe, nee kyk, hy smaak hierdie shysters, en daar haal hy sy tjekboek uit en begin sponsorships uitskryf vir ’n vale.

Wel, ek hoef seker nie die storie vooruit te loop nie, maar kort daarna het hierdie sogenaamde promosie-ouens verdwyn van die gesig van die planeet af, en ’n paar maande later lees ek in die koerant dat oom Piet al sy spaargeld verloor het as gevolg van een of ander scam.

Nou ja, ouens, ek dink die scam het daai aand gebeur vlak voor ons neuse!!

Shame, oom Piet was ’n goeie ou, maar dalk soms ’n bietjie naïef, nè? Ek dink vanaand aan hom al het ek hom nie goed geken nie.

Stil, manne, ’n era is verby.

24.com blogs