Читать книгу Сүдү киһи Багдарыын Сүлбэ - Л. В. Иванова - Страница 1

Күннүк Уурастыырап

Багдарыын Сүлбэ,

Сүрдээҕин үөрдүм:

Бөөлүүҥҥү түүлбэр

Эйигин көрдүм.

Эр бэрдэ киһи,

Эриэккэс үлэҥ,

Кэскилин иһин

Махталбын ыл, эн.

Норуоппут өлбөт,

Өрөгөй өйө

Дьабыҥҥа көппөт,

Тылыгар сөҥөр.

Муударай дьоннор

Өйдүүллэр ону.

Булаллар олор

Дуоһуйуу дьолун.

Үгүс сир аатын

Үөрэтэн билии —

Кэс тылбыт баайын

Кэҥэтэр эбии.

Итэҕэй, эрэн,

Этэрбин истэн:

Ааҕааччыҥ кутун

Тутуоххун туттуҥ.

Алта уон сааскын

Астыктык туоллуҥ,

Эн сэмэй ааккын

Сэҥээрдэр буоллуҥ.

Кэлэр да кэмҥэ

Дьоллоохтук олор.

Туолуохтаах мэҥэ

Баҕаҕын толор.