Читать книгу Hammie - Ronelda S Kamfer - Страница 9
Jirre waa’s my ma
Оглавление“en die antie dans, en die antie dans op Waenhuiskrans” – Onbekend
die swaarste van Krismis
is om in Pick n Pay te staan
en my ma te sien in die bokse Snacktime
die pakke Quality Street
en in die ligte, ligte-pastel bloesies
van moeggewerkte anties
my ma is die spook wat langs die strand stap
my ma is water
sy was eers brood
ek dink aan Krismisoggend jare gelede
my ma in die kombuis neurie
die treurigste happyste song
terwyl ek in my bed rondrol en religion haat
ek staan stadig op en loop tot by haar en moan
ek kan nie wag vir Krismis om verby te wees nie
