Читать книгу ДО1А МУХА ДАН ДЕЗА? ДО1а НИЙСА ДАР - ШОВХАЛ ХЬУСАЙН - Страница 2

Биссмиллах1иррохьманиррохьийм.

Хастам бу Аллах1ана Шен лайшана мел оьшург царна делла волучу. Лайно шега дехча, цунна жоп луш волучу. Аллах1ера салават а, маршо а хуьлда вайн элчанна Мухьаммадан а (Делера салават-маршал хуьлда цунна), цуьнан гергарчарна а, асхьабашна а, цара лелийнарг лелош, церан некъа т1ехь мел волучу стагана а, зудчунна а.

Вай наха хийлаза хаттар дина соьга: «Делига до1а муха дан деза»? – аьлла. И хаттар сайга дича дог 1овжа дора сан, х1унда аьлча, Делига до1а да цахууш бусулба стага хилча, дог муха 1овжа дийра дац?! Цунах лаьцна а 1илма цуьнгахь ца хилча, стенах лаьцна 1илма хира ду цунгахь?! Цунна уггаре коьрта оьшу х1ума цунна хууш ца хилча?

Цундела, сайна т1ехь декхар гора суна до1а муха деш хилар царна билгалла дар, Дала сайна довзийтинчу 1илманца. Цундела, Делан пурбанца, х1ара жайна язда аьтто хили са.

Кху т1ехь хьуна дойзура ду до1а муха дан деза. Мичахь дича, муьлхачу хена дича, муьлхачу хьелашкахь дича вуолехь ду. До1а д1а муха доло деза, чекх муха даккха деза. Х1ун деха мега, х1ун ца мега. До1ан бехкамаш, цуьнан г1иллакхаш, иштта кхиъ дуккху х1ума.

Дала хьан до1анна жоп лойла, х1ай лераме бусулба стаг. Айха до1а деш, х1ара жайна яздина Делан лай виц ца вар доьху хьоьга.

Дала беркате дойла х1ара жайна хьуна!

Шовхал Сайд-Селиман Хьусайн