Читать книгу Благослови, душа моя!.. Псалмы русских поэтов - Коллектив авторов - Страница 6

От Господа аз пасуся,

лишения не боюся:

в месте злачне мя вселяет,

у покойных вод питает.

Душу мою обратил есть,

на путь правый наставил есть,

за имя Си пресвятое,

содевает благо тое.

Аще смерти приближуся,

зла от нея не боюся:

яко Ты сам при мне еси,

Боже живый на небеси.

Жезл Твой мене утешает,

и палица защищает.

Ты трапезу пред очима

в лице врагов дал моима.

Маслом главу мастил мою

и дал еси чашу Твою:

яже дивне упояет,

радость в сердце содевает.

Милость Твоя мне прибудет,

дондеже жив раб Твой будет:

да в Господень дом вселюся,

в долготу дний веселюся.