Читать книгу Яңа гасыр тавышы / Голос нового века (на татарском языке) - Антология, Питер Хёг - Страница 48

Җыенуым.

Әтәй машинаны

Кабыза да озак-озаклап

Тынын карый, тәрәзәсен сөртә.

Капка ача.

Шулай озата.

Сыегайган зәңгәр күзләрендә

Ничәнче кат бер үк сүз күрәм:

«Исән йөре!»

Үзе, әллә ничек,

Җибәрәсе килми төслерәк.

Көмеш чыкны ал нур үпкән чакта,

Ни сәбәпле шулай икән, чү,

Миндә дә моң…

Ашыгырга кирәк:

Таң ялкыны куып җиткәнче.

Әтәй кала.

Хатирәдәй ап-ак.

Эчтән генә авыр көрсенеп.

Ул һич мөмкин түгел аңламаска:

Китәр кешең булу – бәхет ләса! —

Димәк, кайтыр кешең бар синең…